Ինչպես գիտենք, ենթաստամոքսային գեղձը կենսական դեր է խաղում մարսողական և էնդոկրին համակարգերում: Ենթաստամոքսային գեղձի ֆերմենտները օգնում են քայքայել ճարպերը, սպիտակուցները և ածխաջրերը: Դրանք օգնում են օրգանիզմին մարսել և կլանել կերած սնունդը:
Ենթաստամոքսային գեղձի հիվանդության ախտանիշները․
Ցավ որովայնի վերին հատվածում
Ախորժակի կորուստ
Մաշկի և աչքերի դեղնացում
Մեջքի ցավ
Մետեորիզմ
Սրտխառնոց
Փսխում
Մթերքներ, որոնք լավ են ազդում գեղձի աշխատանքի վրա․
Սխտոր
Սխտորը պարունակում է արժեքավոր սելեն, օլիգոսաքարիդներ և ֆլավոնոիդներ, որոնք արդյունավետորեն կանխում են ենթաստամոքսային գեղձի բորբոքային պրոցեսները:
Վարսակի փաթիլներ
Պանկրեատիտ ունեցող մարդիկ կարող են շատ նիհարել, քանի որ նրանց մոտ բացակայում են ենթաստամոքսային գեղձի կողմից արտադրվող ֆերմենտները՝ մարսողության համար: Վարսակի փաթիլները մանրաթելի լավ աղբյուր է և ցածր սպիտակուցի պարունակության շնորհիվ կարող է կանխել քաշի արագ կորուստը և շաքարախտը: Հարմար են նաև շագանակագույն բրինձը, հնդկաձավարը, գարին և այլն:
Բալ․
Բալը բնական հակաօքսիդանտների հարուստ աղբյուր է, միացություն, որն օգնում է ենթաստամոքսային գեղձի քաղցկեղի կանխարգելմանը: Հիշեք՝ բալի պտուղները մեծ օգուտներ են բերում մեր առողջությանը։
Բրոկկոլի
Բրոկկոլիի բաղադրիչը, որը կոչվում է ապիգենին, պաշտպանում է ենթաստամոքսային գեղձի հյուսվածքը: Բրոկկոլիից բոլոր կենսական սնուցիչները ստանալու համար խորհուրդ է տրվում այն ուտել թեթև շոգեխաշած վիճակում։ Բանն այն է, որ բրոկկոլիի չափից ավելի եփումը կարող է հեռացնել սննդանյութերի ճնշող մեծամասնությունը:
Կաղամբ
Կաղամբի կանոնավոր օգտագործումը կարող է պաշտպանել ենթաստամոքսային գեղձի բորբոքումից։ Կաղամբը հարուստ է վիտամին C-ով, սակայն պարունակում է նաև վիտամին B6 և ֆոլաթթու: Կաղամբն արտադրում է գլյուկոզինոլատներ, որոնք հակաքաղցկեղածին միացություններ են։ Դրանք, իրենց հերթին, զարմանալի կարողություն ունեն նվազեցնելու ԴՆԹ-ի վնասը և բջիջների մուտացիան, ինչպես նաև արգելակելու գործընթացները և խթանում բջիջների անվերահսկելի աճը:
