Մեզանից շատերի մտքով նույնիսկ չի անցնում, թե որքան վտանգավոր է որովայնի շուրջ կուտակված ճարպը։ Թվում է, թե վտնագավոր ոչինչ չկա, սակայն իրականում այդ ճարպը խախտում է կյանքի համար կարևոր օրգանների աշխատանքը։ Եվ ուղղակի թողնել այդպես չի կարելի։
Լյարդը մարդու օրգանիզմի ֆիլտրն է։ Դրա շնորհիվ այրվում է ճարպերի մեծամասնությունը՝ վերածվելով խոլեստերինի, հետո՝ լեղիի, որն էլ դուրս է բերվում աղիների միջոցով։
Իսկ եթե ճարպերը, որոնք դուք ստացել եք սնունդի միջոցով, կուտակվում են լյարդի բջիջներում, դանդաղեցնում են նյութափոխական գործընթացները, և դուք սկսում եք քաշ հավաքել։ Այդ իսկ պատճառով պետք է մշտապես ուշադրություն դարձնել լյարդի առողջական վիճակին։
Կիսվում ենք 3 պարզ բաղադրատոմսերով
Վարսակով ըմպելիք
Շատ հեշտ է պատրաստվում։ Առավոտյան 1ճ․գ․ վարսակի փաթիլների վրա 1 բաժակ եռման ջուր լցրեք։ Իսկ երեկոյան քամեք լուծույթը, ավելացրեք 1/3թ․գ․ քրքում և 1թ․գ․ դարչին։ Ստացված ըմպելիքը բաժանեք 2 մասի։ Կեսը խմեք ընթրիքից առաջ, մյուս կեսն էլ՝ նախքան քնելը։
Կոճապղպեղով թուրմ
Անհրաժեշտ է 1/3թ․գ․ քերած կոճապղպեղը լցնել 250մլ գոլ ջրի մեջ։ Քամել 1թ․գ․ կիտրոնի հյութ և ավելացնել 1թ․գ․ մեղր։ Թրմել 15 րոպե։ Խմել քնելուց 60 րոպե առաջ։ Բայց եթե ունեք բարձր արյան ճնշում, մի կիրառեք լյարդի մաքրման այս եղանակը։
Բազուկով ըմպելիք
Միջին չափի 4 բազուկը մաքրել, խորանարդաձև կտրատել։ 2լ սառը ջուր լցնել։ Եփել՝ մինչ հեղուկը կնվազի 3 անգամ։ Ընդունել քնելուց առաջ՝ 1 փոքր բաժակ չափաբաժնով։
Եղեք առողջ։
