Ցանկանում եմ կիսվել խոհանոցային գազօջախի մաքրության պահպանման գաղտնիքով, որը երևի ամենահեշտն ու մատչելին է: Չենք կիրառելու ոչ մի թանկարժեք քիմիական միջոց: Չնայած դրանցից շատերն իսկապես արդյունավետ են, բայց կարող են հանգեցնել նրան, որ գազօջախը շատ շուտ կորցնի տեսքը, իսկ պաշտպանիչ ծածկույթն ուղղակի կբարակի ու կմաքրվի: Բացի այդ, խանութում վաճառվող միջոցները թունավոր են ու վնաս են հասցնում մեր առողջությանը:
Իմացա մաքրման այս եղանակի մասին, երբ ռեստորանում խոհարարի օգնական էի աշխատում: Եկա հերթափոխի ու տեսա, որ խոհարարներից մեկը մաքրում է գազօջախը: Հետո նա ինձ խնդրեց փայլաթուղթ բերել: Ես չհասկացա՝ թե ինչի համար, բայց գնացի դրա հետևից:
Երբ վերդարձա, խոհարարը արդեն հանել էր գազօջախի աչքերը (կոնֆորկաները): Հետո նա սկսեց ծածկել ամբողջ մակերեսը փայլաթղթով:
Պարզվեց, շատ խոհարարներ են այսպես անում, որպեսզի հետո ժամանակ չկորցնեն գազօջախը մաքրելու համար:
Երբ նա ավարտեց փայլաթղթով պատելը, անցավ միսը տապակելուն:
Հիմա իմ տանն էլ եմ նույն կերպ անում: Ավելի հեշտ է պարբերաբար փոխել փայլաթուղթը, քան օրական մի քանի անգամ մաքրել այրված յուղն ու այլ հետքերը:
