Հավատացնում ենք, որ սա ամենահամեղ կարկանդակների բաղադրատոմսն է, խմորը շատ նուրբ է և համեղ, իսկ միջուկը՝ հյութեղ և անուշաբույր։
Անհրաժեշտ բաղադրիչներ․
- ալյուր՝ 700գ
- կաթ՝ 400գ
- չոր խմորիչ՝ 2թ․գ․
- կարագ՝ 150գ
- շաքարավազ՝ 2ճ․գ․
- աղ՝ 0,5թ․գ․
միջուկի համար․
- աղացած միս՝ 700գ
- սոխ՝ 2-3 հատ
- առանց կեղևի լոլիկ՝ 2-3 հատ
- կանաչի՝ ըստ ճաշակի
Պատրաստման եղանակ․
50գ տաք կաթ վերցնել, մեջը ավելացնել 1թ․գ․ շաքարավազ և խմորիչը, խառնել, սպասել, որ խմորիչը սկսի լուծվել։
Տաքացնել մնացած կաթը, մեջը լուծել կարագը, շաքարավազը և աղը, 300գ ալյուր լցնել, խառնել։
Լցնել խմորիչը և ալյուր ավելացնելով՝ փափուկ խմոր հունցել, որ չի կպչում տարայի պատերին։
Ծածկել խմորը և թողնել տաք տեղում՝ մոտ 1-1,5 ժամ։ Ընթացքում մի անգամ հունցել։
Միջուկը պատրաստելու համար կտրատել սոխն ու լոլիկը, կանաչին։
Տապակել սոխը, ավելացնել հում աղացած միսը և անդադար խառնելով՝ տապակել։
Համեմել աղով, պղպեղով, ավելացնել լոլիկը և եփել մի քանի րոպե փակ կափարիչի տակ։ Հանել կրակից, ավելացնել կանաչին և խառնել։
Խմորից փոքր կտրոներ կտրել և գնդիկներ ձևավորել։ Գրտնակել, մեջտեղի հատվածում 1ճ․գ․ միջուկ դնել, ամրացնել եզրերը և կարկանդակ ձևավորել։
Ձեռքով թույլ սեղմել կարկանդակը։
Տապակել տաքացրած ձեթի մեջ՝ փակ կափարիչի տակ, միջին կրակի վրա, երկու կողմից։
Բարի ախորժակ։
