Մեծերը հաճախ սովորեցնում են իրենց երեխաներին, որ անկողնուց վեր կենալուց անմիջապես հետո հավաքեն անկողինը, չնայած հենց մեծերից էլ շատերը հաճախ ծուլանում են դա անել. չէ՞ որ, միևնույն է, երեկոյան նորից պետք է բացել անկողինը։ Եթե դուք էլ եք պատկանում այդ ծույլիկների խմբին, ապա ձեզ համար լավ նորություն ունենք։
Գիտնականները պարզել են, որ անկողինն արթնանալուց հետո հավաքելը բացասաբար է ազդում առողջության վրա։ Բանն այն է, որ, ինչպես այլ վայրերում, անկողնու մեջ ևս կան բազմաթիվ բակտերիաներ, ավելի կոնկրետ՝ առնվազն 1,5 միլիոն բակտերիա է այս ու այն կողմ շարժվում այնտեղ։
Երբ քնած եք լինում, նրանք սնվում են ձեր մաշկի մահացած բջիջներով, քրտինքով և այլն, իսկ երբ առավոտյան անմիջապես հավաքում եք անկողինը, դուք դրանց համար գերազանց պայմաններ եք ստեղծում, որպեսզի սնվեն ու բազմանան։ Եթե անեք հակառակը, այսինքն՝ չհավաքեք անկողինը, ապա դրանք երկար չեն կարողանա գոյատևել լուսավոր և չոր պայմաններում։
