Սովորաբար բոլոր հյուրերս զարմանում և հիանում են՝ փորձելով այս անչափ համեղ և առանձնահատուկ աղցանը։ Բաղադրատոմսն իրոք շատ պարզ է, բայց համը․․․ այն ձեզ նույնպես կգրեի։
Անհրաժեշտ բաղադրիչներ․
- 1 տուփ պահածոյացված կարմիր լոբի
- 200-250գ եփած տավարի միս
- 1 միջին չափի կարմիր սոխ
- 1 կարմիր պղպեղ
- կես կծու պղպեղ
- 2-3 պճեղ սխտոր
- 50գ ընկույզ
- կես կապ համեմ
- աղացած սև պղպեղ
- ձիթայուղ և գինու քացախ
Պատրաստման եղանակ․
Սոխը կտրատել կիսաօղակաձև։ Ցանկալի է այն 2 րոպեով դնել եռման ջրի մեջ, այլապես սոխը կկոտրի ամբողջ աղցանի համը։
Հեռացնել բուլղարական պղպեղի կորիզները և ձողիկների կտրատել։
Միսը կտրատել մանր խորանարդիկների։ Կծու պղպեղի կորիզները նույնպես հեռացնել և շատ մանր կտրատել։
Սխտորը ճզմել կամ մանրացնել դանակով։
Ջրքամել կարմիր լոբին։
Միացնել սոխը, միսը, պղպեղները, սխտորը, մանր կտրատած համեմը, բոված և մանրացրած ընկույզը։
Համեմել աղով, սև պղպեղով։
Առանձին պատրաստել սոուսը՝ խառնելով 4-5ճ․գ․ ձիթայուղ և 1ճ․գ․ քացախ։
Լցնել աղցանի վրա, խառնել։
Բարի ախորժակ։
