Այս բաղադրատոմսով պատրաստված բիսկվիթը ստացվում է մոտ 7-8 սմ բարձրությամբ:
Տորթի կրմեն ավելի հեշտ է ընտրել և պատրաստել, քան կորժը: Այս բաղադրատոմսի գաղտնիքը կայանում է եգիպտացորենի կրախմալ օգտագործելու մեջ: Պատրաստվում է հեշտ և արագ:
Անհրաժեշտ բաղադրիչներ.
- ձու՝ 5 հատ
- շաքարավազ՝ 150գ
- ալյուր՝ 130գ
- եգիպտացորենի կրախմալ՝ 30գ
- մի պտղունձ աղ
Պատրաստման եղանակ.
Ալյուրը և կրախմալը միացնում ենք և լավ խառնում:
Հավկիթների դեղնուցներն ու սպիտակուցներն առանձնացնում ենք:
Սառեցրած սպիտակուցներին աղ ենք ավելացնում և հարում՝ մինչ սպիտակ փրփուր ստացվելը: Քիչ-քիչ ավելացնում ենք շաքարավազի կեսը և շարունակում հարել:
Դեղնուցին մի քիչ աղ ենք լցնում և նույնպես հարում՝ մինչ սպիտակ զանգված կստացվի: Ավելացնում ենք շաքարավազի մյուս կեսը և կրկին հարում:
Դեղնուցն ու սպիտակուցը խառնում ենք՝ 10 րոպե անդադար հարելով: Քիչ-քիչ ավելացնում ենք մաղած ալյուրը: Զգույշ խառնում ենք գդալով: Խառնել անհրաժեշտ է նույն ուղղությամբ:
Խմորը լցնում ենք մոտ 20 սմ տրամաչափով սիլիկոնե ֆորմայի մեջ և դնում ենք 170 աստիճան տաքացրած ջեռոցը: Թխվում է 40-45 րոպեում:
Եթե չունեք սիլիկոնե ֆորմա, ապա թխելուց առաջ տապակին ձեթ քսեք:
Երբ բիսկվիթը պատրաստ լինի և սառի, այն կտրում ենք 2-4 շերտի՝ ըստ ցանկության, և կրեմով տորթ հավաքում:
Բարի ախորժակ։
