Առաջարկում ենք պատրաստել այս թխվածքը, որի համը գաթա է հիշեցնում: Սակայն պատրաստման յուրօրինակ եղանակի շնորհիվ այն ստացվում է ավելի հետաքրքիր և օրիգինալ
Անհրաժեշտ բաղադրիչներ.
խմորի համար.
- կարագ՝ 250 գ
- մածուն՝ 250 մլ
- փխրեցուցիչ՝ 10 գ
- ալյուր՝ 480 գ
խորիզի համար.
- ալյուր՝ 120 գ
- շաքարավազ՝ 150գ
- կարագ՝ 100 գ
Պատրաստման եղանակ.
Խմորի համար քերիչով անցկացնել կարագը, ավելացնել մածունը, փխրեցուցիչը և ալյուրը:
Արագ հունցել խմորը և 1 ժամով ուղարկել սառնարանը:
Այդ ընթացքում պատրաստել խորիզը. ալյուրը, շաքարավազը, քերիչով անցկացրած կարագը միացնել ու խառնել՝ մինչ փշուր կստացվի:
Ուղարկել սառնարանը:
Խմորը բաժանել 6 հավասար մասերի:
Բարակ գրտնակել առաջին շերտը՝ մոտ 4-5մմ հաստությամբ, և լցնել խորիզի մի մասը:
Առանձին գրտնակել հաջորդ շերտը, ծածկել առաջինը և նորից խորիզ լցնել: Թեթևակի սեղմել:
Նույնն անել խմորի բոլոր գնդերի հետ: Վերջին շերտի վրա խորիզ պետք չէ լցնել:
Դանակով կտրատել հավասար կտորների:
Թխել նախապես տաքացրած ջեռոցում՝ 180°C ներքո, 35-45 րոպե:
Մատուցելուց առաջ շաքարի փոշի ցանել:
Բարի ախորժակ:
