Շատերին եմ խորհուրդ տվել ելակից մուրաբան հենց այս եղանակով եփել, ու բոլորն էլ գոհ են մնացել, քանի որ իսկապես հրաշալի է ստացվում: Ամբողջական հատիկներով, ելակի բնական համով ու բույրով մուրաբա…
Անթերի մուրաբայի գաղտնիքները
Ճիշտ լվանալ. ելակը արագ է ջուր կլանում, այնպես որ լվացեք այն հոսող ջրի տակ՝ քամիչի մեջ լցրած:
Եփել առանց ջրի. մուրաբա պատրաստելիս հավելյալ ջուր մի ավելացրեք: Հատապտուղը բավարար քանակությամբ հյութ է դուրս տալիս:
Հարմար տարրա. օգտագործեք լայն ու ցածր կաթսա: Այդպես հեղուկն ավելի շուտ կգոլորշիանա ու կպահպանվի եփելու ցածր ջերմաստիճանը:
Ահա բաղադրատոմսը.
- ելակ՝ 2կգ
- շաքարավազ՝ 1կգ
Լվանալ ելակը, չորացնել: Լցնել կաթսայի մեջ, ավելացնել շաքարավազը ու թողնել այդպես ամբողջ գիշեր: Առավոտյան կաթսան դնել շատ թույլ կրակին ու հասցնել եռման աստիճանի: Հանել փրփուրն ու եփել 1-2 րոպե:
Անջատել կրակն ու թողնել, որ մուրաբան սառի:
Կրկնել եփելու ու սառեցնելու գործընթացը 2-3 անգամ:
Եռացող մուրաբան լցնել ստերիլիզացված բանկաների մեջ ու փակել: Մի ծածկեք բանկաները, որպեսզի ելակները չշարունակեն տաքանալ ու եփվել:
Նյութը հրապարակման պատրաստեց Այսօր Ինֆո կայքը
