Ձմռան համար փակոցներ պատրաստելը իսկապես օգտակար ու պրակտիկ զբաղմունք է։ Որոշ տնային տնտեսուհիներ փորձում են որքան հնարավոր է շատ փակոցն պպատրաստել, քանի որ ձմռանը դրանք անփոխարինելի են։
Որպեսզի մուրաբան անթերի ստացվի, փորձում եմ ընտրել հավասար աստիճանի հասած հատապտուղներ, սակայն ոչ չափից ավել հասած։ Դրանից հետո քամիչի օգտագործմամբ լվանում եմ, որպեսզի հատիկները մնան ամբողջական։
Ինչ վերաբերվում է սպասքին․ մուրաբա եփելու համար ընտրում եմ էմալապատ կամ էլ չժանգոտվող պողպատից կաթսաներ։ Մուրաբան սկսում եմ եփել թույլ կրակի վրա և թողնում եմ այդպես մինչ եռալու պահը։ Երբ էլ փրփուր չի առաջանում, ուժեղացնում եմ կրակը՝ հասցնելով միջին աստիճանի։
Որպեսզի մուրաբան չփչանա, չկորցնի վառ գույնն ու չշաքարակալի, եփելու ավարտին ավելացնում եմ կիտրոնաթթու։ 1 կգ ելակին 1/3 թ․գ․ կիտրոնաթթու։
Նյութը հրապարակման պատրաստեց Առաջին ինֆո կայքը
