Խրթխրթան կաղամբի և լոլիկի համադրություն… Ձմռանն ավելի համեղ ոչինչ չի կարող լինել

Առաջարկում ենք ձմռան համար պատրաստել կաղամբի հետ համադրված այսպիսի ախորժելի լոլիկներ: Շատ պարզ, առանց լրացուցիչ ջերմամշակման:

Այս բաղադրատոմսով պատրաստում էր նաև մայրիկս: Ամեն տարի պատրաստում էր առնվազն 10-15 բանկա, ու էլի քիչ էր:

Անհրաժեշտ բաղադրիչներ.

  • կաղամբ՝ 1 հատ
  • լոլիկ մանր՝ 1.5կգ
  • սոխ՝ 1 գլուխ
  • բուլղարական պղպեղ՝ 1 հատ
  • կծու պղպեղ՝ 1 հատ
  • մաղադանոս, սամիթ

Յուր. բանկայի մեջ՝

  • դափնետերև՝ 1 հատ
  • հատիկավոր պղպեղ՝ 5 հատ

Մարինադի համար.

  • աղ՝ 2ճ.գ.
  • շաքարավազ՝ 4ճ.գ.
  • 9% քացախ՝ 4ճ.գ.

Պատրաստման եղանակ.

Նախապես լվացված բանկաների մեջ դնել դափնետերև, հատիկավոր պղպեղ, կտրատած կծու պղպեղ, նաև կտրատած բուլղարական պղպեղ, կլոր կտրատած սոխ, մի քիչ էլ թարմ կանաչի:

Ամուր սեղմելով լցնել կտրատած կաղամբ:

Լոլիկները ներքևի մասում ծակծկել մի քանի անգամ և դնել բանկայի մեջ:

Լոլիկից հետո նորից կաղամբ լցնել, էլի լոլիկ և ավարտել բուլղարական պղպեղի ու կաղամբի շերտով:

Բանկաների մեջ եռման ջուր լցնել, ծածկել կափարիչներով ու թողնել 15-20 րոպե:

Բանկաների ջուրը հետ լցնել կաթսայի մեջ, ավելացնել աղ ու շաքարավազ, եռացնել 2-3 րոպե:

Ավելացնել քացախն ու ուղիղ 1 րոպեից հանել կրակից:

Տաք մարինադը լցնել բանկաների մեջ, հերմետիկ փակել ու շուռ տալ: Փակել ծածկոցով ու դնել որևէ տաք տեղ:

Լիարժեք սառելուց հետո տեղափոխել մութ սառը տեղ:

Բարի ախորժակ:

Նյութը հրապարակման պատրաստեց Այսօր Ինֆո կայքը

 

 

 

Оцените статью