Պատրաստվում ենք Սուրբ Զատիկին․ շատ համեղ և փափուկ կուլիչի բաղադրատոմս։
Անհրաժեշտ բաղադրիչներ․
- սերուցք՝ 300մլ
- կարագ՝ 200գ
- ալյուր՝ 1 կգ
- ձու՝ 4 հատ
- դեղնուց՝ 4 հատ
- շաքարավազ՝ 200գ
- չոր խմորիչ՝ 50գ
- գոլ ջուր՝ 1/3 բաժակ
Պատրաստման եղանակ․
Գոլ ջրին ավելացնել խմորիչն ու մի քիչ շաքարավազ, խառնել և թողնել 10 րոպե։
Առանձին խառնել գոլ սերուցքը, հալացրած կարագը և մաղած ալյուրը։
Երբ երկու խառնուրդների ջերմաստիճանը կլինի նույնը, միացնել, 2 ձու ավելացնել, շաքարավազ և խմոր հունցել։ Ծածկել սրբիչով և թողնել տաք տեղում։
Խառնել 2 ձու և 4 հատ դեղնուց։
Խմորը դնել գոլորշու վրա և ավելացնել հարած ձուն ու դեղնուցը։ Ցանկության դեպքում կարող եք ավելացնել ծիրանաչիր, չամիչ։ Դա արեք սկզբնական փուլում, երբ խմորը դեռ չի բարձրացել։
Լավ հունցել խմորը և նորից դնել տաք տեղում։ Խմորը բաժանել մի քանի մասի, լցնել ֆորմաների մեջ և թողնել 30 րոպե։
Ջեռոցը տաքացնել մինչ 180 ջերմաստիճանի և թխել կուլիչները 45-60 րոպե, կախված է ֆորմայի չափից։
Զարդարել ըստ ցանկության։
Բարի ախորժակ։
