Առաջարկում ենք պատրաստել փքուն թեթև կարկանդակներ՝ համեղ միջուկով:
Անհրաժեշտ բաղադրիչներ.
խմորի համար.
- շաքարավազ՝ 2թ.գ.
- դեղնուց՝ 2 հատ
- ալյուր՝ 0.5կգ
- կարագ՝ 50գ
- խմորիչ՝ 7-8գ
- աղ՝ 1թ.գ.
- կաթ՝ 300մլ
կարող եք օգտագործել ցանկացած միջուկ՝ եփած աղացած միս, պանիր, շոգեխաշած կաղամբ և գազար, կարտոֆիլ, ձու և կանաչ սոխ:
լրացուցիչ.
- կաթ՝ 1 ճ.գ.
- դեղնուց՝ 1 հատ
Պատրաստման եղանակ.
Սկզբում անհրաժեշտ է խառնել չոր խմորիչն ու շաքարավազը: Ավելացնել մի քիչ գոլ կաթ, խառնել և թողնել 5 րոպե:
Մինչ այդ առանձին տարայի մեջ միացնել դեղնուցը, աղը և շաքարավազի կեսը, նաև հալացրած կարագը: Ավելացնել մնացած կաթը և կրկին խառնել:
Ավելացնել խմորիչային խառնուրդը և զգուշորեն խառնել, մաղելով աստիճանաբար լցնել ալյուրը:
Էլաստիկ և փափուկ խմոր հունցել:
Խորհուրդ ենք տալիս մի քիչ ձեթ քսել խմորին, ծածկել տոպրակով և 40 րոպե թողնել որևէ տաք տեղում:
Այդ ընթացքում պատրաստել միջուկը: Մեր այսօրվա կարկանդակները կաղամբով են:
Անհրաժեշտ է մանրացնել սոխը և տապակել, ավելացնել քերիչով անցկացրած գազար, իսկ մի քանի րոպե անց կտրատած կաղամբ: Խառնել և եփել փակ կափարիչի տակ: Դրանից հետո ավելացնել աղ և այլ համեմունքներ: Թողնել, որ սառի մինչ սենյակային ջերմաստիճանի:
Խմորը տրորել և բաժանել կտորների, դրանց գնդիկների ձև տալ: Սպասել 5 րոպե և գրտնակել: Մեջտեղի հատվածում մի քիչ միջուկ դնել և եռանկյունաձև փակել:
Ջեռոցը տաքացնել մինչ 180 աստիճան: Կարկանդակները դնել ձեթով պատված տապակի մեջ, թողնել 10 րոպե, դրանից հետո քսել դեղնուցի և կաթի խառնուրդ և ուղարկել ջեռոցը: Թխել 15-20 րոպե:
Բարի ախորժակ:
