Ներկայացնում ենք շատ հին և փորձված բաղադրատոմս՝ անթերի կարկանդակներ պատրաստելու համար:
Անհրաժեշտ բաղադրիչներ.
- մածուն՝ 500մլ
- շաքարավազ՝ 2ճ.գ.
- աղ՝ 1/2 թ.գ.
- սոդա՝ 1թ.գ.
- ձեթ՝ 1ճ.գ.
- ալյուր՝ 400գ
- միջուկ՝ ըստ ճաշակի. կարտոֆիլի պյուրե, ձու և կանաչ սոխ, շոգեխաշած կաղամբ, եփած աղացած միս, հատապտուղներ և այլն:
Պատրատսման եղանակ.
Սկզբում անհրաժեշտ է պատրասել խմորը: Այստեղ ամեն ինչ շատ պարզ է: Սկզբում խառնեք բոլոր նշված բաղադրիչները, իսկ վերջում ավելացրեք ալյուրը և խմոր հունցեք: Թողեք ծածկած վիճակում մոտ 30 րոպե:
Իսկ հետո արեք, ինչպես նկարում է պատկերված: Ձեռքը թաթախեք ալյուրի մեջ և ափի մեջ մի քիչ խմոր դրեք: Հենց կենտրոնում մի քիչ միջուկ ավելացրեք և ալյուրոտ ձեռքով միացրեք խմորի եզրերը: Պատրաստի կարկանդակը միանգամից տաքացրած ձեթով թավայի մեջ ուղարկեք:
Յուրաքանչյուր կողմից տապակեք մոտ 4 րոպե, իսկ հետո հանեք թավայից և դրեք անձեռոցիկի վրա՝ ավելորդ ձեթից ազատվելու համար:
Կարկանդակները պատրաստ են, կարող եք ուրախացնել ձեր մտերիմներին:
Բարի ախորժակ:
