Սպիտակաձավարից կարող եք պատրաստել ոչ միայն շիլա, այլև զանազան օգտակար ու համեղ ուտեստներ:
Անհրաժեշտ բաղադրիչներ.
- սպիտակաձավար՝ 150 գ
- բարձր յուղայնությամբ սերուցք կամ թթվասեր՝ 3,5 ճ.գ.
- ձու՝ 4 հատ
- շաքարավազ՝ 150 գ
- ալյուր՝ 150 գ
- վանիլին՝ ըստ ճաշակի
- փխրեցուցիչ՝ 1 թ.գ.
- ձեթ՝ 3 ճ.գ.
կարամելի համար.
- շաքարավազ՝ 7 ճ.գ.
- ջուր՝ 100 մլ
Նաև անհրաժեշտ է սպիտակ շոկոլադ:
Պատրաստման եղանակ.
Ձուն խառնել շաքարավազի հետ և հարել՝ մինչ դրա լիարժեք լուծվելը:
Ավելացնել թթվասերը և ձեթը, հարել՝ մինչ համասեռ զանգված ստանալը:
Ավելացնել սպիտակաձավարը, փխրեցուցիչը, վանիլինը և մաղած ալյուրը, խառնել:
Տապակը ծածկել յուղաթղթով, լցնել խմորը:
Ջեռոցը տաքացնել մինչ 150 ջերմաստիճանի, թխել մոտ կես ժամ: Փայտիկով ստուգեք պատրաստ լինելը: Թողնել, որ սառի տապակի մեջ:
Շաքարավազը լցնել թվայի մեջ, բովել՝ մինչ կարամելի երանգ կստացվի, այնուհետև մաս-մաս լցնել ջուրը և խառնել փայտե գդալով:
Պիրոգի վրա կարամել լցնել և զարդարել հալեցրած սպիտակ շոկոլադով:
Երբ սառի, հանել տապակից:
Բարի ախորժակ:
