Վառ ու համեղ փակոց… Խորհուրդ եմ տալիս փորձել…

Պատմում եմ, թե ինչպես պատրաստել այս ախորժելի, անուշաբույր պղպեղը՝ ձմռան համար: Վստահեցնում եմ, ինչքան էլ պատրաստեք, էլի քիչ է լինելու:

Անհրաժեշտ բաղադրիչներ՝ 700մլ 3 հատ բանկայի համար.

  • կարմիր քաղցր պղպեղ՝ 1.7կգ, չմաքրված վիճակում
  • թարմ սամիթ, ռեհան, մաղադանոս՝ յուր. փոքր կապ
  • կծու պղպեղ՝ 1/2 հատ
  • սխտոր՝ 5 պճեղ
  • աղ՝ 2ճ.գ.
  • շաքարավազ՝ 4ճ/գ/
  • քացախ 9%` 100մլ
  • ձեթ՝ 100մլ
  • սև պղպեղ՝ 1թ.գ.

Պատրաստման եղանակ.

Քաղցր պղպեղը կտրատել երկար նեղ կտորների:

Մանր կտրատել կանաչին:

Ավելացնել կլոր կտրատած կծու պղպեղը:

Ավելացնել 5 պճեղ մանրացրած սխտոր, 2ճ.գ. աղ, 4ճ.գ. շաքարավազ, 100մլ 9% քացախ, 100մլ ձեթ, 1թ.գ. սև պղպեղ:

Մանրակրկիտ խառնել ու թողնել, որ 3 ժամ մարինացվի: Պարբերաբար խառնեք, որ պղպեղը հավասարաչափ մարինացվի:

Լցնել մաքուր չոր բանկաների մեջ՝ ամուր սեղմելով: Լցնել մնացած մարինադը:

Մեծ կաթսայի մեջ սրբիչ գցել, վրան դնել բանկաները ու փակել կափարիչներով: Կաթսայի մեջ գոլ ջուր լցնել՝ մինչ բանկաների նեղ հատվածը: Եռալու պահից սկսած ստերլիզացնել 15 րոպե: Զգուշորեն հանել կաթսայից ու հերմետիկ փակել:

Փակոցն առանձնանում է վառ համով, խրթխրթան է ու հյութեղ:

Բարի ախորժակ:

Նյութը հրապարակման պատրաստեց Այսօր Ինֆո կայքը

 

Оцените статью