Ավելի վաղ հայտնի էինք, որ Լոռու և Տավուշի մարզերում Դեբեդ, Աղստև և Տաշիր գետերի վարարման հետևանքով բնակչության շրջանում 4 հաստատված զոհ կա, որոնցից մեկը Սարիբեկ Բալյանն է։
Սարիբեկ Բալյանի մահվան դեպքի մասին մանրամասներ իմանալու նպատակով՝ Iravaban.net-ը կապ է հաստատել Դեղձավանի վարչական ղեկավար Յուրիկ Հովհաննեսյանի հետ։
Մեզ հետ զրույցում նա նշեց, որ երեկ զոհված Սարիբեկ Բալյանի ծննդյան օրն էր, նա կդառնար 39 տարեկան․ «Դին գտել են Թեղուտ-Շնող հատվածում։ Ամուսնացած էր, ուներ 2 երեխա՝ աղջիկ և տղա, հայր և մայր։ Աշխատում էր դպրոցում՝ որպես տնտեսվար, դպրոցի աշխատանքն ավարտելուց հետո աշխատում էր՝ որպես մատուցող հանդիսությունների սրահում»։
