Կաթողիկոսը Մայր Աթոռ Սուրբ Էջմիածնում ընդունել է ԱՄՆ Ռոթարի ակումբի անդամներին

ՆՈՐՈՒԹՅՈՒՆՆԵՐ

Նոյեմբերի 7-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է ԱՄՆ Ռոթարի ակումբի անդամներին՝ ուղեկցությամբ Հայկական ազգային Դելփյան կոմիտեի նախագահ Ալեքսան Զաքյանի։

Հայցելով Նորին Սրբության օրհնությունը՝ պրն․ Զաքյանը ներկայացրել է հյուրերին և տեղեկություններ փոխանցել Ռոթարի ակումբի՝ Հայաստանում կրթության և մշակույթի ոլորտում պատանիների ու երիտասարդների համար իրակացվող ծրագրերի մասին։

Հայոց Հայրապետը ողջունել է բոլոր այն նախաձեռնությունները, որոնք կօգնեն շնորհալի պատանիների և երիտասարդների տաղանդների բացահայտմանը, ինչն իր հերթին նրանց հնարավորություն կընձեռի իրենց տեղը գտնելու կյանքում։

Նորին Սրբությունն ընդգծել է նաև, որ ակումբի փոխգործակցությունը տարբեր ազգերի մշակույթների հետ կնպաստի ժողովուրդների միջև հանդուրժողականության և խաղաղության հաստատմանը։

Հանդիպմանն Ամենայն Հայոց Կաթողիկոսը Ռոթարի ակումբի անդամներին է ներկայացրել Մայր Աթոռի կողմից պատանի և երիտասարդ հայորդիների համար իրակացվող կրթադաստիարակչական և մշակութային ծրագրերը։

Оцените статью