Այս պարզ բաղադրատոմսը կօգնի արագ ու հեշտ մաքրել անոթները: Այն բաղկացած է մեղրից, կարմիր գինուց ու հյութերից: Ընդ որում՝ յուրաքանչյուր բաղադրիչից հարկավոր է վերցնել 200 գրամ:
Բաղադրիչները 7-ն են, այդ իսկ պատճառով բաղադրատոմսը կոչվում է «7 բաժակ»: Այս ըմպելիքը պատրաստելու համար հարկավոր է խառնել բոլոր բաղադրիչները: Խառնուրդը պետք է պահել սառնարանում և ընդունել օրական երեք անգամ՝ ուտելուց 20-30 րոպե առաջ, մեկական ճաշի գդալ:
Բաղադրությունը.
· «Կագոր» գինի,
· գազարի հյութ,
· բողկի հյութ,
· կիտրոնի հյութ,
· ճակնդեղի հյութ,
· բնական մեղր:
Բացի այդ, արյունը մաքրելու համար հիանալի միջոց է լորամրգի հյութը, որն անհրաժեշտ է ընդունել օրական երեք անգամ՝ ուտելուց առաջ 100 գրամ: Կուրսը տևում է երեք շաբաթ:
Գազարի հյութը նույնպես մաքրում է արյունը: Այն հարկավոր է խմել ինչպես և լոռամրգի հյութը՝ օրական երեք անգամ՝ ուտելուց առաջ 100 գրամ: Հարկ է հիշել, որ գազարի հյութը պետք է լինի թարմ քամված:
Շատ օգտակար է նաև կեչու հյութը: Այն ևս արյունն ու անոթները մաքրելու շատ արդյունավետ միջոց է և խորհուրդ է տրվում հասունաժամին խմել մոտ 5 լիտր հյութ:
Սակայն հարկ է հիշել, որ այս կամ այն միջոցը կիրառելուց առաջ հարկավոր է խորհրդակցել բժշկի հետ: Պետք չէ զբաղվել ինքնաբուժությամբ, քանի որ յուրաքանչյուրի օրգանիզմը յուրահատուկ է և այն, ինչն օգտակար է մեկի համար, կարող է չհամապատասխանել մյուսին:
Նյութի աղբյուրը՝ narodnayamedicina.com
