Ավոկադոն համարվում է ամենաօգտակար մրգերից մեկը, սակայն մարդիկ հաճախ ուշադրություն չեն դարձնում այս պտղին: Այն հիանալի մթերք է օրվա ցանկացած ժամին ուտելու համար:
Բացի այդ, ավոկադոն շատ համեղ է և կարող է կիրառվել ինչպես սոուսների, այնպես էլ աղցանների և անգամ աղանդերների պատրաստման համար: Ձեր ուշադրությանն ենք ներկայացնում 10 պատճառ, օրական մեկ ավոկադո ուտելու համար:
Ավոկադոն կարող է հակաքաղցկեղային հատկություններ ունենալ, կարծում են Կանադայի Գուելֆ համալսարանի գիտնականները:
Ըստ գիտնականների՝ ավոկադոն հարուստ է ավոկատին B-ով, որը ճնշում է VLCAD ֆերմենտը, որն էլ, իր հերթին, մասնակցում է լեյկեմիկ բջիջների նյութափոխանակության գործընթացին: Այս սննդանյութը քաղցկեղային հիվանդության ոչ թունավոր բուժում է համարվում:
Այս միրգը հիանալի բաղադրիչ է նաև նիհարել ցանկացողների սննդակարգում ներառելու համար: Այն խթանում է նյութափոխանակությունը, ինչը նպաստում է քաշի նվազմանը: Բացի այդ, հետազոտությունը ցույց է տվել, որ ավոկադոյի գործածությունից հետո քաղցի զգացումը չի տանջում շուրջ 5 ժամ:
Ավոկադոն շատ օգտակար է նաև հղիների համար, քանի որ պարունակում է մոր ու պտղի առողջության համար շատ կարևոր վիտամիններ: Բացի այդ, այն ազատում է նաև ինքնազգացողության վատացումից, ինչը բավական հաճախ է նկատվում հղիների մոտ:
Ավոկադոն իր մեջ պարունակվող գերհագեցած ճարպաթթուների շնորհիվ լավացնում է հիշողությունն ու կենտրոնացումը, նրա մեջ եղած կալիումը նպաստում է սրտի ճիշտ աշխատանքին, կարգավորում է օրգանիզմում աղի ու ջրի փոխանակությունը և բարձրացնում է սթրեսի նկատմամբ դիմադրողականությունը:
