Մտնելով որևէ մեկի տուն՝ հաճախ մի հայացքը բավական է, որ գնահատեք տանտիրուհու մաքրասիրության աստիճանը։ Կան նշանները, որ իսկույն կմատնեն նրա ծուլությունը։
Միջանցքում թափթփված կոշիկները չեն կարող մնալ աննկատ։ Ու հատկապես եթե դրանք կեղտոտ են, ընկած են շրիշակների ու պահարանների դիմաց։ Ու որպես այդ ամենի լրացում կախիչին կախված մեծ քանակությամբ վերնահագուստը, տոպրակները, պայուսակները․․․ Եվ որպես ամփոփում՝ կեղտոտ գորգիկը։ Լավ տանտիրուհին նման բան թույլ չի տա իր տանը։
Հաջորդը՝ դռներն են, ինչպես մուտքի, այնպես էլ միջսենյակային։ Հաճախ դրանց վրա լինում են ձեռքերի հետքեր, փոշի։
Մտնում ենք լոգասենյակ ու նայում ծորակներին։ Դրանց վրա հաճախ մնում են ջրի կաթիլներ, իսկ եթե սանտեխնիկան երկար ժամանակ չի լվացվում, առաջանում է սպիտակ նստվածք։ Հենց դա էլ մատնում է այն, որ տանը ոչ այնքան մաքրասեր մարդիկ են ապրում։
Հայելիները պետք է մաքրել կանոնավոր, առնվազն երկու օրը մեկ։ Բայց ծույլ կանայք դա չեն անում։
Վարագույրերն ու պատուհանները նույնպես շատ բան կպատմեն։ Ծույլ տանտիրուհին հիշում է վարագույրը լվանալու մասին տարեկան 1 անգամ, լավագույն դեպքում՝ 2։
Ծույլ տանտիրուհիները մոռանում են նաև պատուհանագոգերն ու պահարանները կարգի բերելու մասին, որտեղ կուտակվում է փոշի, չորանում են ծաղիկներ․․․
Եվ վերջինը, որը ոչ մեկի աչքից չի վրիպի, հեռուստացույցի կեղտոտ էկրանն է։
Նյութը հրապարակման պատրաստեց Առաջին ինֆո կայքը
