Տարիքային փոփոխությունները գրեթե ոչ մի կնոջ հաճույք չեն պատճառում: Այդ փոփոխությունների արդյունքում առաջին հերթին տուժում է աչքերի շուրջ մաշկը, քանի որ այն բարակ և նուրբ է:
Փորձառու կոսմետոլոգներն առաջարկում են թանկարժեք միջոցները փոխարինել բնական մթերքով, որոնք միևնույն ազդեցությունն ունեն:
Հատուկ ուշադրություն է հարկավոր դարձնել հավկիթին, քանի որ հենց դրա շնորհիվ կարելի է նկատելիորեն թարմացնել և սպիտակեցնել աչքերի շուրջ մաշկը, վերադարձնել երիտասարդ տեսքը և ազատվել կնճիռներից:
դեղնուց՝ 2 հատ
մեղր՝ 1թ.գ.
ձիթայուղ կամ ծիրանի յուղ՝ 1թ.գ.
Դիմակը պատրաստելուց առաջ ցանկալի է սառեցնել դեղնուցները: Հետո միացնել բոլոր բաղադրիչները, լավ հարել: Քսել աչքերի շուրջ մաշկին: Դիմակը թողնել 20-30 րոպե: Լվանալ սառը ջրով:
Այս դիմակը դրական արդյունք է տալիս արդեն առաջին օգտագործումից հետո, սակայն ցանկալի էֆեկտը պահպանելու համար այն անհրաժեշտ է օգտագործել կանոնավոր կերպով:
