«Մեզ մանկուց սովորեցրել են, որ մեր մասին շատ մտածելը եսասիրություն է։ Որ պետք է միշտ առաջինը մտածենք ուրիշների մասին, հարմարվենք, զոհաբերենք մեզ, լռենք մեր ցանկությունների մասին։
Բայց տարիների ընթացքում ես հասկացա՝ սեփական անձի մասին մտածելը եսասիրություն չէ, այլ առողջ սեր դեպի ինքդ քեզ։
Երբ դու հոգ ես տանում քո մասին, լսում ես քո զգացմունքները, հարգում ես քո սահմանները և ընտրում այն, ինչ քեզ երջանկացնում է, դու չես դառնում վատ մարդ։ Դու պարզապես դադարում ես կորցնել քեզ՝ ուրիշներին հաճոյանալու ճանապարհին։
Մենք չենք ծնվել, որպեսզի միշտ բոլորի սպասումները արդարացնենք։ Մենք ծնվել ենք ապրելու մեր կյանքը, լսելու մեր ներքին ձայնը և ընտրելու այն, ինչ համապատասխանում է մեր արժեքներին։
Սեփական անձը սիրելը չի նշանակում ուրիշներին քիչ սիրել։ Դա նշանակում է չմոռանալ քո մասին, երբ հոգ ես տանում աշխարհի մասին։
Եվ գուցե ամենակարևոր դասը, որ պետք է սովորենք մեծանալով, սա է․ քո մասին մտածելը վատ չէ։ Քո մասին մոռանալն է վտանգավոր»,- ինստագրամյան իր էջում գրել է դերասանուհի Թամարա Գևորգյանն ու հրապարակել նոր լուսանկարներ:
