Իսկական թագավորական տորթ՝ ամենահասանելի բաղադրիչներից: Արդեն 4-5 տարի Ամանորի սեղանի համար պատրաստում եմ այս թխվածքը, և ամեն տարի հյուրերս խնդրում են բաղադրատոմսը:
Անհրաժեշտ բաղադրիչներ.
- 10 սպիտակուց
- 240գ շաքարի փոշի
- 600գ մաքրած ընկույզ
- 2ճ.գ. կրախմալ
կրեմի համար.
- 10 դեղնուց
- 200գ կարագ
- 160գ շաքարի փոշի
- 2ճ.գ. կակաո՝ ըստ ցանկության
Պատրաստման եղանակ.
Կորժեր. Ընկույզը թեթևակի տապակել, հետևել, որ չայրվեն: Կտրատել, բայց ոչ շատ մանր:
Սպիտակուցները հարել շաքարի փոշու հետ, պիտի ստացվի սպիտակ խիտ փրփուր, ինչպես բեզեի համար:
Սպիտակուցին ավելացնել կրախմալը և զգույշ խառնել: Հետո ավելացնել ընկույզը և ևս մի անգամ խառնել:
Տապակը ծածկել յուղաթղթով և լցնել խմորը: Ուղարկել արդեն տաքացրած ջեռոցի մեջ և թխել 180 ջերմաստիճանի ներքո:
Թխվում է մոտ 20-25 րոպե: Պիտի դառնա մուգ բեժ գույնի:
Հանել ջեռոցից, թողնել, որ մի քիչ սառի: Կտրել հավասար 3 մասերի:
Կրեմ. դեղնուցը խառնել շաքարի փոշու հետ, ավելացնել կակաոն և հարել: Լցնել հաստ պատերով կաթսայի մեջ և եփել՝ հասցնելով եռման աստիճանի: Հանել կրակից, ավելացնել կարագը և հարել:
Հավաքել տորթ. կորժերին կրեմ քսելով տորթ հավաքել, ընկույզը մանրացնել և դրանով պատել ամբողջ տորթը: Զարդարել ըստ ցանկության:
Բարի ախորժակ:
Նյութը հրապարակման պատրաստեց Arajininfo.ru կայքը
