Այս բաղադրատոմսով պատրաստված բիսկվիթը ստացվում է անթերի՝ մի փոքր գաղտնիքի շնորհիվ:
Անհրաժեշտ բաղադրիչներ.
- ձու՝ 4 հատ
- շաքարավազ՝ 150գ
- ալյուր՝ 150գ
- փխրեցուցիչ՝ 1թ.գ.
Պատրաստման եղանակ.
Մեծ տարայի մեջ խառնել ձուն և շաքարավազը, դնել գոլորշու վրա, թույլ կրակի վրա: Այժմ խառնուրդը հարել: Եվ հենց զանգվածը դառնա միասեռ, հանել գոլորշուց:
Հարել հարիչով՝ ամենաբարձր արագությամբ, մոտ 8-10 րոպե: Անհրաժեշտ է հարել այնքան ժամանակ, որ հարած զանգվածի մակերեսով մատով անցկացնելու դեպքում հետք մնա: Դա նշանակում է, որ ձուն հարած է պատշաճ կերպով:
Ավելացնել մաղած ալյուրը՝ փխրեցուցիչի հետ միասին, խառնել վերևից ներքև: Խմորը լցնել ձեթով պատված տապակի մեջ և թխել 20-25 րոպե՝ մինչև 200 աստիճան տաքացրած ջեռոցում: Զգուշորեն սեղմեք ձեռքով, եթե բիսկվիթը կրկին բարձրանա սպունգի նման, նշանակում է, այն պատրաստ է:
Բարի ախորժակ:
